विश्वविदितं यत् संस्कृतवाङ्मयमेव विश्वस्य सर्वप्राचीनं सर्वश्रेष्ठं विपुलं च साहित्यं वर्तते। यतो हि अस्माकं भारतीयसंस्कृतेर्मूलरूपं वेदेष्वुपलभ्यते। तद्यथा - सा प्रथमा संस्कृतिर्विश्ववारा। अस्यामेव भारतीयानां जीवनदर्शनम्, आचार−विचाराः, जीवनमूल्यानि, ज्ञानविज्ञानम्, नैतिकं सामाजिकं च चरित्रनिदर्शनं भवति।
वाङ्मये चतुर्वेदेषु, रामयाण-महाभारत-पुराण-स्मृति-धर्मशास्त्र-दर्शन-महाकाव्यादिग्रन्थेषु मानवीयमूल्यानां नैतिककर्तव्याकर्तव्यादीनां च विशदं वर्णनं विहितमस्ति। नीतिग्रन्थेषु प्रतिपदं मानवजीवनाय अत्यन्तोपयोगिनः कर्तव्य-निर्देशाः प्रदत्ताः। एतैः नैतिकमूल्यैः एव समग्रसमाजस्य समुचितधारायां विकासः सम्भवः।