2023, Vol. 9, Issue 5, Part A

पूर्वम् इदं भारतवर्षं दुःशीलैः, क्रूरिभिः वैदिकधर्मेतर-मतानुयायिभिः राजापसदैः अधर्मेण मार्गेण, अधार्मिकयुद्धेन च आक्रान्तं जातम्’ ‘तेषां अधार्मिकपरिपालनेन अस्माकं भारतीय-सनातन-ज्ञानस्रोतः प्रजाभ्यः बहुदूरं गत’मित्यतः अस्माकं देशस्य जनानां राष्ट्रिया भावना नास्ति वा ? अथ वा विदेशस्थजनान् संलक्ष्य, इयं राष्ट्रिया भावना उत्पन्ना वा ? अथ वा इयं राष्ट्रिया भावना अस्माकं जनानां नास्त्येव वा ? अस्ति चेत् अस्माकं भारतीय-सनातन-वैदिकसंस्कृतेः मूलाधारभूतेषु वेदेषु राष्ट्रियभावनाविषये के के विषयाः परामृष्टाः? इत्येवं नैकेषां विषयाणां विमर्शः अस्मिन् शोधलेखे क्रियते।